Ինչպես ազատվել պիգմենտներից. 5 բնական միջոց. 168.am

Steptohealth.ru-ն գրում է, որ մաշկի գույնն ապահովող պիգմենտի արտադրության խանգարման հետևանքով կարող են պիգմենտային բծեր հայտնվել։ Դեմքի պիգմենտացիան հայտնի է նաև՝ որպես մելանոզ։ Այն բավականին տարածված է կանանց մոտ և կապված է էսթրոգեն ու պրոգեստերոն հորմոնների ակտիվության մեծացման հետ։ Առաջարկվող միջոցները կօգնեն բնական ճանապարհով ազատվել պիգմենտներից։

1. Բանանի և յոգուրտի հիմքով միջոց.

Բաղադրիչներ.

• 1 հասած բանան,
• 5 ճաշի գդալ բնական յոգուրտ՝ 90 գրամ։

Պատրաստման և օգտագործման եղանակը: Տրորեք բանանը, խառնեք յոգուրտի հետ։ Դիմակը քսեք դեմքին, թողեք 30 րոպե: Օգտագործեք շաբաթվա ընթացքում 3 անգամ։

2. Կիտրոն և մաղադանոս

Բաղադրիչներ.

• կես կիտրոնի հյութ,
• 3 ճաշի գդալ մաղադանոս՝ 30 գրամ,
• 6 ճաշի գդալ ջուր՝ 60 մլ։

Պատրաստման և օգտագործման եղանակը: Քամեք կիտրոնի հյութը, բլենդերում հարեք բոլոր բաղադրիչների հետ: Ստացված լոսյոնը քսեք դեմքի այն հատվածներին, որտեղ պիգմենտներ եք նկատում, թողեք 20 րոպե։ Օգտագործեք շաբաթվա ընթացքում 3 անգամ։

Ուշադրություն. այս լոսյոնը հարկավոր է օգտագործել միայն երեկոյան ժամերին, քանի որ կիտրոնը մաշկը զգայուն է դարձնում արևի լույսի նկատմամբ։

3. Խաղող և վիտամին E

Բաղադրիչներ.

• 6 հասած խաղող,
• 1 պարկուճ վիտամին E։

Պատրաստման և օգտագործման եղանակը: Կտրատեք խաղողը, հեռացրեք կուտը, բլենդերում խառնեք վիտամին E-ի հետ։ Խառնեք այնքան, մինչև խյուսանման զանգված ստանաք։ Դեմքին քսեք շրջանաձև շարժումներով, թողեք 30 րոպե։ Լվացեք տաք ջրով։ Օգտագործեք շաբաթվա ընթացքում 3 անգամ։

4. Սմբուկ և մեղր

Բաղադրիչներ.

• կես սմբուկ,
• 3 ճաշի գդալ մեղր՝ 75 գրամ։

Պատրաստման և օգտագործման եղանակը: Սմբուկի փափուկ հատվածը բլենդերում խառնեք մեղրի հետ։ Ստացեք խիտ զանգված: Քսեք դեմքին, հատկապես այն հատվածներին, որտեղ պիգմենտներ են առաջացել։ 20 րոպե անց լվացեք։ Կրկնեք շաբաթը 2 կամ 3 անգամ։

5. Նշի ալյուր և կոկոսի յուղ

Բաղադրիչներ.

• 2 ճաշի գդալ նշի ալյուր՝ 20 գրամ,
• 3 ճաշի գդալ կոկոսի յուղ՝ 45 գրամ։

Պատրաստման և օգտագործման եղանակը: Բաղադրիչները խառնեք այնքան, մինչև խյուսանման զանգված ստանաք։ Քսեք դեմքին, թողեք 30 րոպե։ Դեմքը լվացեք տաք ջրով։ Կրկնեք շաբաթվա ընթացքում 3 անգամ։

Հարցեր, պատասխաններ, մեկնաբանություններ